“Tani mbarova me ty”- Vrasja e shqiptarit me plumb në kokë, flasin dëshmitarët: Vdiq për një vend parkimi! 68-vjeçari shkoi në banesë, mori armën dhe…

Detaje tronditëse janë zbuluar nga vrasja e një 40-vjeçari shqiptar në Pire, për një vend parkimi.

Krimi i rëndë ndodhi mesditën e sotme (15 shtator) pas një konflikti mes viktimës dhe autorit, të cilët njiheshin me njëri-tjetrin dhe prej kohësh kishin konflikte.

Ngjarja ndodhi jashtë një parkimi ku punonte 40-vjeçari, ku autori pas sherrit ka shkuar në shtëpi, ka marrë armën dhe ka qëlluar në kokë shqiptarin. Më pas ai e ka qëlluar sërish me plumb.

Viktima u dërgua në spital por nuk arriti që t’i mbijetojë plagëve të marra.

Një dëshmitare tha për Protothema, se autori nuk kishte makinë dhe nuk i pëlqenin parkingjet.

“Ata patën një debat, autori shkoi në shtëpinë e tij, mori armën dhe kur doli i tha ‘tani mbarova me ty’, duke e qëlluar. Priti aty derisa erdhi policia dhe e arrestoi. Ishte njeri i çuditshëm. Dy vite më parë ai bëri një aksident me makinë. Ai s’kishte automjet dhe nuk i pëlqenin parkingjet, i konsideronte të paligjshme”, tha ajo.

Një tjetër dëshmitare tregoi se 68-vjeçari krijonte shpesh probleme dhe debatonte me fqinjët e tij pa arsye.

Ajo u shpreh se viktima u qëlluar me plumb në kokë për një vend parkimi në rrugën Praxitelous 147.